TONA NI DEBATA (Bahasa Angkola-Mandailing)

I.

Au do Tuhan Jahowa, Debatamu, ulang mardebata na leban ho di balikku.

II.

Ulang mangganaganai, sanga maniru pe nada tola; bope na di ginjang di langit, bope na di toru di tano on, bope na di aek na di toru ni tano on : Nada jadi sombaonmu sudena i.

III.

Ulang dokkon goar ni Tuhan Debatamu, muda suada dalanna, di baen diuhumi Debata do halak, na mandokkon goar-Nia, muda suada dalanna.

IV.

Ingot ma ari Sabat, anso diparbadiai ho ari i. Onom ari ma lolotmu na mambaen, barang aha pe baenonmmu; tapi ari papituhon, i ma ari Sabat ni Tuhan Debatamu, nada jadi mambaen di na sadari i, bope ho, bope anakmu, bope borumu, bope naposomu halaklahi, bope naposomu dadaboru, bope pahanpahananmu, bope halak na mardagang di hutamu. Dibaen dibagasan onom  ari do ditompa Debata langit dohot tano dohot laut dohot isina sude, asa maradian ma Ia di ari papituhon i. Hara ni i dipasu-pasu asa diparbadiai Debata ma ari Sabat i.

V.

Ulang so pantun ho di natorasmu, anso lolot ho mangolu di tano na nilehen ni Tuhan Debatamu di ho.

VI.

Ulang ho mamunu jolma.

VII.

Ulang ho markorusan.

VIII.

Ulang ho manangko.

IX.

Ulang ho margabus mangalo donganmu.

X.

Ulang impol rohamu di bagas ni donganmu, ulang impol rohamu di dadaboru ni dongamu, bope di naposona halaklahi, bope di naposona dadaboru, bope di lombuna, bope hajaranna, bope di barang dia hohas ni donganmu.

On ma nidok ni Debata taringot tu tona na sampulu i:

Dibaen Au do Tuhan Debatamu, Debata parrimas do Au, na mangaluluhon dosa ni amaama tu dakdanakna lopus tu sundut patoluhon dohot paopathon pomparan ni halak na magigi mida Au. Tapi, holong do rohangku sapanjangna sian sundut tu sundut di halak na markolong ni roha di Au jana na mangoloi tonangki.