Gilbert Tobing Art-chive

Tatangiangkon ma haulta on: Ale Debata Amanami na di Banuaginjang, Ho do haroroan ni sasude silehen-lehen na denggan dohot silua na sanggam. Hami pasahat ma sian na nilehen-mi tu hami haulnami tu Ho. Sai jagit ma i gabe uap na huskus di adopan-Mu. Pasu-pasu ma i jana jagahon, anso hami pargunahon haul on, patimbulkon harajaan-Mu di tongatonga ni parlagutan-Mu dohot di portibi on. Sai ungkap ma rohanami markitehite Tondimu anso mur hami tanda silehenlehen-Mi tu hami, anso mur ringgas hami mandokkon trimakasi tu Ho markitehite Jesus Kristus Tuhannami. Amen.

I. Au do Tuhan Jahowa, Debatamu, ulang mardebata na leban ho di balikku. II. Ulang mangganaganai, sanga maniru pe nada tola; bope na di ginjang di langit, bope na di toru di tano on, bope na di aek na di toru ni tano on : Nada jadi sombaonmu sudena i. III. Ulang dokkon goar ni Tuhan Debatamu, muda suada dalanna, di baen diuhumi Debata do halak, na mandokkon goar-Nia, muda suada dalanna. IV. Ingot ma ari Sabat, anso diparbadiai ho ari i. Onom ari ma lolotmu na mambaen, barang aha pe baenonmmu; tapi ari papituhon, i ma ari Sabat ni Tuhan Debatamu, nada jadi mambaen di na sadari i, bope ho, bope anakmu, bope borumu, bope naposomu halaklahi, bope naposomu dadaboru, bope pahanpahananmu, bope halak na mardagang di hutamu. Dibaen dibagasan onom  ari do ditompa Debata langit dohot tano dohot laut dohot isina sude, asa maradian ma Ia di ari papituhon i. Hara ni i dipasu-pasu asa diparbadiai Debata ma ari Sabat i. V. Ulang so pantun ho di natorasmu, anso lolot ho mangolu di tano na nilehen n...

 Ale Amanami na di Banuaginjang. Pinorbadia ma goar-Mu. Ro ma Harajaan-Mu Tulus ma roha-Mu songon di Banuaginjang, songon i muse di tano on. Lehen ma di hami panganonnami ganop ari sadarion. Sesa ma dosanami, songon hami manesa dosa ni dongannami, na mardosa di hami. Ulang pamasuk hami tu bagasan pandugaan. Tapi palua ma hami sian pangago i. Dibahen Ho do nampuna harajaan dohot hagogoan dohot hasangapan salolot ni lolotna. Amen.

Ponggol Parjolo Au porsaya di Debata Ama, na gumogo na tumompa langit dohot tano. Ponggol Paduahon Au porsaya di Jesus Kristus, Anak ni Debata na sasada i, Tuhanta na nitubuhon ni Tondi Porbadia, na nianakkon ni bujing-bujinh, si Maria, na manaon parsahitan taran Pontius Silatus Paruhum, na nilabangkon di hayu na pasilang, na mate, nitanom manuat tu banua toru, ngot sian halak na mate di ari patoluhon, manaek tu banuaginjang, juguk di siamun ni Debata Ama na gumogo. Mulak Ia muse sian i manguhumi halak na mangolu dohot na mate. Ponggol Patoluhon Au porsaya di Tondi Porbadia, sada parlagutan ni halak Kristen na badia, pardonganan ni halak Kristen dan Badia, hasesaan ni dosa, hangongot ni pamatang dohot hangoluan na so mantak. Amen.